September 02,2020: Official para Tuesday te koishe Union Home Ministry khan olop din akhe te nutun guidelines diya pichede ‘Unlock 4.0’, etu para kunba relexation thakishe Mizoram khan nijor laga rules olaise Unlock 4.0 September 30 tak kurishe.
Mizoram government para manishe state-wide total lockdown May 31 tak kuribole nimee aro total lockdown Aizawl city area te bi manishe aro dusra dosta district headquarters te June 30 tak novel coronavirus toh phelibole nadibole nimete kurishe.
August 16 and August 23 majhtte complete lockdown toh aro bi Aizawl city area te kurishe contact tracing nimete etu bi locally transmitted cases uthi thaka mimete.
Monday rati order diya te koishe ki government khan manishe kun ba economic activities khan komti kuribole nimete precautionary measures khan te saikena.
Etu toh okobi bodli nathakikena etu nutun order te koishe sob commercial activities khan normal function kuribo.
Business kura dukan khan khulibole dibo tinta keepers aro choi thakikena etu bi godown aro dangor dukaan khan nimete community leaders khan kuwa pichede locality te kuntu te dukaan aro godown khan ase.
safety protocol toh maintain kura hi nohoikena sob dukaan khan records khan rakhibole lageh tai khan laga customers laga,
inter state border toh hudai din khulibo three entry points- Vairengte and Bairabi on the Mizoram-Assam border and Kanhmun state border te hi Tripura logote commodities khan thura gaari nimete.
Order te koishe Hoilebi manu khan laga inter statement movement etu tinta entry points para khali Mondays, Thursdays and Saturdays te hi kuribole dibo screening aro quarantine nimete.
lone Lengpui airport toh hudai din khulibo cargo flights, passenger flights toh Monday Thursday aro Saturday nimete khulibole dibo.
Dusra khanetu te educational institutions and religious congregations toh bondh thakibo.shaadi funerals aro anniversary celebration toh 50 attendees khan thakikena kuribo aro sports attendees toh 25 attendees hi thakibo.
self-imposed lockdown kun ba locality aro area khan charikena etu order te koishe khali state chief secretary nohoile toh district deputy commissioners khan kuribole dishe etu bi containment zones aro lockdown laga khobor dibole janaishe.
Aro koishe Night curfew toh sob district headquarters etu te state capital Aizawl te 8:30 pm to 4:30 am tak halibole ase.
Mizoram Tuesday te ekta new Covid-19 case olaishe etu para state total tally toh 1012 hoishe .
Etu te 402 active patients ase aro komti hoilebi sob milaikena 610 manu bhal hoishe.
Add Comment