UP Police Maiki(wife) Justice Mangi Ase

BULANDSHAHR (UTTAR PRADESH): 

Murija police officer laga maiki justice mangi ase. Police officer Subodh Kumar Singh ke Monday te mob para muraishe. Mrs. Sunita koishe tai laga mota ke justice nedi kena ase.

Mrs. Sunita koishe ketiya tai laga mota manu khan ke murabo tetiya justice hubo.
Police inspector Subodh Kumar Singh aro dushra manu khan mob control koribole kosis kori thakishe. Mr. Singh ke mob para pathor mari muraishe. Mob para Mr. Singh laga SUV kedaishe(chase), aro Mr. Singh ke guli mari muraishe. Etu violence te ekta local manu bhi murishe.

Chief Minister Yogi Adityanath Rs. 40 lakh Mr Singh family ke dibo koishe, Rs. 10 lakh toh Mr. Singh laga ama baba ke aro government job Mr. Singh laga family member ke dibo koishe.

Officer laga boini(sister) koishe Mr. Singh ke Mohammad Akhlaq ke mob para lynch kora laga case investigate kura karne murai dishe. Etu case toh Dadri 2015 laga thakishe.