LUCKNOW:
Duita chokora(boys) ekta egaro(11) saal aro dushra baro(12) saal opor te guru(cow) slaughter laga inzam dishe. Etu karne tai duijon opor te case file korishe. Etu issue te mob para bishi jha-mela(chaos) korishe. Etu mob attack te ekta police officer murishe. Etu toh Bulandhshar, Uttar Pradesh te hoishe.
Etu duita chokora toh cousin ase. Satjon(seven) manu opor te guru(cow) slaughter laga complaint te tai duijon laga bhi naam ase. Nayabans bosti laga jongol(forest) te guru laga hardi(carcasses) khan paishe. Etu nimite bosti te thaka manu para satjon(seven) opor te case file korishe. Nayabans bosti toh Bulandshahr te ase.
Complain kora manu laga naam toh Yogesh Raj ase. Yogesh toh Bajrang Dal laga activist ase. Inspector ke muridia te Yogesh laga main haat ase. Yogesh etu hadsa pichote missing ase.
Video te Yogesh Raj police logote argue kora dikhishe. Etu video te Yogesh para guru(cow) slaughter opor te action lubole demand kurishe. Etu argument toh mob para attack nokura agote ase. Etu incident toh Monday te hoishe. Mob para police manu khan opor te hamla korishe, police outpost aro gari khan bhi julai dishe.
Yogesh Raj laga complain te duita(two) bacha aro ekta mota(man) laga naam ase. Etu mota toh bosti chari kena jai jaishe. Aro dusra teenta(three) mota laga naam dishe. Etu teenta manu toh bosti te he nathake.
Guru(cow) slaughter case te bacha naam bhi aha karne bosti manu khan shock ase. Chokora duita laga baba koishe etu hadsa(incident) laga din te tai khan bosti te he thaka nai.
Chokora khan laga baba koishe police tai khan laga ghor te ahishe aro chokora khan ke loi jaishe. Police chokora khan ke police station te char(four) ghonta(hours) rakhishe. Chokora khan laga naam aro baba laga phone number loishe.
Add Comment