NEW DELHI/LUCKNOW, DECEMBER 4 : Monday din Uttar Pradesh, Bulandshahr laga jungle te 1 jun Police Officer laga kari te besi jun manu (mob) pora khetai kena hamla kurise. Aro etu Police Officer ke puntuk marikena muraidese. Etu asul chamala naam te thaka toh Right-Wing Group laga Activist 1 jun ase (Accused No. 1). Etu toh Yogesh Raj koi kena Bajrang Dal laga Member ase. Huilebi tai toh bolaijai kena ase. Etu karne tai ke thuribole nabari kena ase. Huilebi tai logot tusera kan eke pora melekena thaka 4 jun toh thurikena ase koise.
Etu chamala nemite bi Special Investigation Team kan pora kele etu Police Officer Subodh Kumar Singh ke tusera Police Officers pora ekela charide kena thakise. Etu nemite bi thik pora kotha hutha-huthe kuribole kuribi koi kena janaise. Aro khobor hisabte Police kan porabi 27 jun manu etu chamala laga naam te thalidese. Etu oporte tusera najana manu kan 60 jun bi etu nahua chamala naam te ase koise.
Etu Police Officer muraidiya karne Uttar Pradesh Chief Minister Yogi Adityanath porabi Monday din etu Officer laga maiki ke Rs. 40 lakh poisa dedebole janaise (As compensation). Etu oprote Rs. 10 lakh toh bapa-amma nemite aro etu officer laga khor manu kan majutte 1 jun ke toh Sorkar kam debole janaise.
Add Comment