July 24, 2021. United States para India aro Pakistan ke melikena bilateral issues nemite kam koriboli janaishe. United States para koishe ke tuita(2) osor desh pithor te relationship bhal thakibo nemite ek jun-ek jun ke motob korikena melikena thakiboli janaishe. “India aro Pakistan pithor te ami koboli mon thaka toh aro tai jun pithor te besas ase ke melikena kam koriboli laki,” koikena Acting Assistant Secretary of State for South and Central Asian Affairs Dean Thompson para conference call te reporters logot koishe. “ami khan besi kushi ase ke etu saal olop din akhe ceasefire hoikena ase aro ek jun-ek jun pithor te relationship toh bhal bonaikena thakiboli laki,” Thompson para tai ke sawal kora samai janaishe. India aro Pakistan majot te relationship toh New Delhi para Jammu & Kashmir te August 5, 2019 saal te Article 370 special status hataikena tuita(2) Union territories bonai thishe. India aro Pakistan para etu saal soruh samai ceasefire agreement bonaikena ase. Afghanistan nemite sawal kora samai, Acting Assistant Secretary para koishe ke US laga bapana te sob countries khan nejor interest share korikena Afghanistan logot motob kori ase koishe. Secretary of State Tony Blinken para India aha hafta visit koribo aro etu samai Afghanistan nemite sobse tangor kotha koriboli ase koishe. “ami khan sai ase ke Indian partners logot melikena kam kora te kamyaab bapo aro etu te parties melikena besi saal para war jai thaka toh kotom koribo,” koikena Thompson para janaishe.
US: India aro Pakistan melikena kam koriboli koishe
