JAKARTA: Saturday te officials koishe Indonesia toh United States ke panchta container kachara wapas dishe. Aro koishe ke Indonesia toh kachara phela jaga nahubo. Kachara import hwua wapas kura latest southeast Asian desh ase.
Senior environment ministry official Sayid Muhadhar koishe customs documents hesab te containers te khali kagos (paper) scrap he hubole lagi thakishe. Hoile bhi containers toh bottles, plastic waste, aro diapers laga kachara para bhorta thakishe.
Muhadhar para AFP ke koishe etu toh thik nai aro ami khan toh kachara phela jaga nahubo.
Muhadhar koishe panchta containers toh Canadian company laga ase aro etu containers khan toh United States laga Seattle jaga para Indonesia laga dusra sob para dangor city Surabaya te March last phane ship hoishe.
Etu toh etiya bhi clear nai ke kachaara khan toh kote para ahishe.
Etiya Indonesia toh Sumatra Island te thaka Batam city aro Jakarta laga port te dusra alak alak containers khan bhi examine kuri ase.
Add Comment