Agencies, 07 April: Pakistan te political dekthari toh global politics te notun dekthari hoise kelay koile Russia para Prime Minister Imran Khan ke United States para saja deshe kowa nemite kelay koile etu saal agae te tai (Pakistan PM) Moscow te lok kora nemite.
Ekta press briefing te Russian foreign ministry spokesperson Maria Zakharova para US te Pakistan laga internal affairs te melise koi kena botnaam korise.
Etu saal February 23-24 te Moscow te lok koribole khobor bechite, Americans aro tai khan laga Western associates toh Prime Minister ke trip cancel koribole pressure deya thakise koise.
Etu toh US para independent state laga internal affairs te nejor laga selfish purposed nemite mela tusara par shameless attempts ase koise.
Khan toh February 25 direk Moscow te Russian President Vladimir Putin ke lok kora thakise aro ottu samai te Russia para Ukraine kelaaf pura hamla suru kora thakise. Tai toh last 23 saal te Russia te lok kora second Pakistan prime minister howa thakise. Etu agae April 1999 te Nawaz Sharif lok kora thakise.
Add Comment