LOS ANGELES: Northern California laga police para 21-year thaka rapper Willie McCoy ke guli mari kena murai diya opor te investigation chuli ase. Willie McCoy toh Taco Bell bahar te tai laga gari bhitor te ghumai thakishe.
Vallejo Police Department koishe etu ghatna toh February 6 te hoishe. Etu din laga saam te fast-food outlet te kaam kura manu para khobor kurishe ke drive-thru line te Mercedes park kuri kena ase.
Police statement te koishe ke officers khan toh fast-food laga call jawab de kena spot te pungchishe. Police khan lock hoi kena thaka gari osor te pungchi kena dekhishe ke driver toh jawab nade aro tai laga lap te hatiyar ase. Officers khan koishe ke gari toh aro start kuri kena thakishe.
Police statement te koishe tai khan situation toh handle kuribole kosis kurishe aro gari tohagay jabole rakhabole kosis kura samay te situation toh biya hoi jaishe.
Police khobor hesab te driver toh achanak para helibole suru hoishe. Officers para driver ke haath opor te rakhibole koishe. Hoile bhi driver toh tai laga hatiyar te pungchibole kosis kuri thakishe. Statement hesab te officers khan tai khan nijor laga jeevan bachabole nimite tai khan driver opor te hamla kuri dishe. Aro McCoy toh spot te he muri jaishe.
Add Comment