Agencies: Iranian President Hassan Rouhani koishe ke US sanctions logote para pressure paile bhi Iran toh majbut para khara kuribo.
Xinhua news agency hesab te Rouhani koishe Washington toh Iranian desh ke nishana (target) banai ase. Etu toh economic, propaganda aro psychological larai para Iran opor te nishana banai ase.
Roushani koishe Iranians toh tai khan laga dignity aro azadi (independence) toh bachai kena rakhibo. Iran toh dusman logote ketiya bhi surrender nokuribo.
Iranian president koishe judi ami khan laga desh toh United sates logote surrender kuri dile toh etu toh khotom nohuwa tok capitulate kuri thakibole lagibo. Etu matlab ami khan toh nijor laga desh, tailaga iszat (dignity), azadi (independence) aro identity toh thokai diya genika ase.
Etu kotha toh US aro iran majote samasiya (tension) biya chuli thaka samay te ahishe. Jua may te US President Donald Trump toh 2015 Iran nuclear deal para withdraw kuri loishe. Aro deal hesab te rekhi kena thaka sanctions khan toh dubara sanctions kuri dishe. Etu nimite Iran toh bishi pressure lok pai ase.
Rouhani toh sanctions opor te tai laga ton toh bodoli kurishe. Tai suru te koishe ke US laga notun sanctions toh Iran opor te eku effect na anibo. Kile koile Washington toh olop samay agote bhi sactions toh practically reimpose kurishe.
Add Comment