WASHINGTON: Thursday din te US national security advisor John Bolton announce kurishe ke Venezuela te crisis aha nimite 25 desh khan para Venezuela ke $100 million aid dibole kosom loishe. Etu kotha toh crisis para lagi kena thaka desh khan ke assist kuribole American States Organizations khan conference luwa pichete hoishe.
Bolton tweet kuri kena koishe ke jua kali 25 desh khan Humanitarian assistance nimite OAS host kura conference te unite kuri kena Venezuela ke saath dibole nimite $100 million humanitarian assistance dibole kosom loishe.
OAS coordinator David Smolanksy hesab te poisa toh directly aid collection centers te jabo. Etu centers khan toh borders osor te ase. Etu borders toh Colombia aro Brazil aro Curazao Caribbeam island osor te ase.
Washington te conference laga suru te United States te Guaido alag representative Carlos Vecchio koishe priority toh Venezuela te February 23 te aid pungchabole ase. Etu toh Guaido para tai nijor ke Venezuela laga olop smaay laga president hesab te declare kura pichete hoishe.
Add Comment