Uttarakhand Govt para sanitation workers honorarium Rs 500 othaishe

DEHRADUN: Uttarakhand Chief Minister Pushkar Singh Dhami para Saturday (April 2) darik din te junaishe ke, state te sanitation workers nemite honorarium toh Rs 500 per day othaishe, etu kotha toh hoile olop din akhe Assembly elections te campaign kora samai promised korikena thaka nemite ase koishe. News agency ANI logot kotha kora samai, Dhami para Champawat’s Banbasa te koishe ke, “ami khan poll samai promise korikena thaka neshina , itya government bona beche sanitation workers nemite honorarium toh Rs 500 per day janai ase. Itya workers khan sob Rs 500 per day bapo”. January 5 darik te Dhami para sanitation workers laga honorarium toh itya thaka Rs 350 per day toh Rs 500 per day te othai thiboli koikena thakishe. Dhami para aro koishe ke, sanitation workers laga dosura problems toh be saboli ase koishe. Etu laga khobor toh Chief Minister para Uttarakhand ‘Swachhkar Karmachari Sangh’ laga representatives logot meeting samai junaikena thakishe. Khobor hesab te Dhami para aro tai March 23 darik te Uttarakhand Chief Minister hoboli oath lowa samai dosura kam besi koriboli junaikena ase. Thursday din, tai para koishe ke, Dehradun-Delhi Expressway toh joldi bonaikena Dehradun-Delhi major te samai toh kali tui(2) gonda atha thakibo koishe. Chief Minister para aro koishe ke, Uttarakhand state toh 2025 saal dak te number 1 state bonabo nemite state government laga bapana te ase. Tai koishe, state government para manuh logot promise kora neshina kam koribo aro etu oper te Governor’s address samai kowa neshina kam koribo. Etu samai, Uttarakhand Electricity Regulatory Commission para April 2 darik state te notun electricity rates toh 2.68 per cent othaishe. Commission para domestic category consumers pithor te 100 units per month loi thaka nemite te toh fixed charges othai deya nai koishe.