November 23, 2023: Tribal jaka karne Viksit Bharat Sankalp Yatra para atha nutun bosti kan cover kuri shae Nagaland laka Dimapur, Tuensang aro Mokokchung districts deh.
Dimapur district laka Chumoukedima block deh campaign tho Aoyim Samaguri, Ekhyo Yan aro Naga United Village deh conduct kuri shae. Etu campaign deh manu kan bishi ahi shae aro bishi wak tho maike kan taki shae aha tho kun etu programme deh part lubo leh ahi shae.
Government officials kan para VBSY aro central welfare laka kotha kuri nah event tho shuru kuri di shae. Etu hua piche deh EAC Kihomong para “Hamara Sankalp Visksit Bharat” laka pledge taking kuri shae. Bosti laka Self Help group members kan para special gana aro skit kan b present kuri shae program lua time deh.
Drone experts kan para b drone laka technology kan dikai shae aro kinaka agricultural practice deh chubo etu kan dikai shae. Successful beneficiaries kan para kinaka etu scheme taikan keh motot kuri shae, etu kan laka kotha kuri shae. on spot health checkup, Ujjwala laka registration aro banking services kan b bosti manu kan keh di shae program piche deh.
Visksit Bharat Sanklap Yatra events kan Alisopur aro Longkhitpe bosti kan deh lui shae Tuensang laka chara block pitor deh. EAC Kihomong, DBO cum BMM B Wakhoo Joorlyn Konyak aro Nodal officer BBFCL Aicheng K kan etu program laka dignitaries taki shae.
Mokokchung district deh, campaign tho Mokokchung bosti aro Chuchuyimpong bosti deh organized kuri shae Ongpangkong north block pitor deh. Etu program deh b eki activities kan conduct kuri shae.
Add Comment