Bengaluru |April 13, 2022: Tamil superstar Vijay star kura movie Beast tu, april 13 te south indian states te release kurishe. Tamil Nadu, te hoile first show toh 4 am. te thakishe. Social media te fan khan para, manu bishi jama hoikena thakala photo upload kurishe. Vijay laka fans khan bishi thaka para toh, kerala aro Karnataka cinema tebi tangor thakishe.
“Mighty Beast toh world wide laka record break kuri kena bishi tangor opening thakishe. Thank you one and all.” koikena, sun pictures laka COO , Sembian Sivakumar para twitter te tweet kurishe.
Etu movie toh, Nelson para direct kura movie ashe aro etu film te stars kura khan toh Pooja Hegde, Selvaraghavan, Yogi Babu ashe.
Film producer aro distributor G. DHananjayan para koishe ki, ‘ Beast movie toh tamil cinema te record break kuri kena kamai (earn) kuribole ashe. Moi aro alak producers laka phabna toh tamil nadu ekla te 1st tin te 40 crore obor kamai bole ashe bhabna ashe.aro etu para toh vijay laka boila (previous) movies laka kamai record break kuribole ashe. ‘
Etu movie toh hoile ahia tin te kenika perform kuribo najane, First tin te hoile, ‘Beast’ laka movie te mixed reaction bai ashe koishe.
Add Comment