January 16, 2024 : Viksit Bharat Sankalp Yatra (VNSY) Uban van kuntu toh ekta nation- wide campaign asey, information aru general awareness disseminate kuriboley, Central welfare schemes khan laga opor tey, Zunheboto district tey punchishey, 13th January 2024. Ekta programme toh hoiley loishey, kotey Additional Secretary DOPT aru State Prabhari officer VBSY Nagaland, Sanjeeb Kumar Mishra, IAS tatey itu special quest hisap thaki kena grace kurishey.
Sanjeeb Kumar Mishra, IAS para tai laga speech tey, koishey ki, Viksit Bharat Sankalp Yatra toh hoiley, sob para bishi ambitious aru promising program asey, self- reliant laga aim toh achieve kuriboley, aru India ke ekta developed nation banaboley, 2047 tak tey. Tai para state kurishey ki, manu khan toh hoiley colonial thinking toh hataboley lagey aru utu manu khan ke respect kuriboley lagey kun khan moi khan ke protect kurey aru moi khan toh moikhan laga duty khan toh ekta responsible citizen hisap tey perform kuriboley.
Deputy Commissioner Zunheboto, Rahul Bhanudas Mali, IAS para tai laga welcome address tey, Sanjeeb Kumar Mishra ke thanks janaishey, tai Zunheboto tey visit kuriboley aha nimitey aru itu jama hoa manu khan ke highlight kurishey ki, Viksit Bharat Sankalp Yatra toh hoiley ekta nation-wide campaign thakishey, awareness khan baraboley, outreach activities khan tey para, aru itu country laga sob manu khan ke, aware kuriboley, alag alag scheme khan laga, itu government of India laga.
Add Comment