January 16, 2024 : Nehru Yuva Kendra Zunheboto para itu Youth Affairs aru Sports, Government of India laga Ministry under tey, itu National Youth Day aru Youth Week 2024 celebrate kurishey, 12th Jnauary 2024 tey.
Zunheboto laga DC – Rahul Bhanudas Mali, IAS para itu jama kuria manu khan ke address kuri kena state kurishey ki, National Youth Day toh hoiley hudai saal tey celebrate kuri thakey, 12th January tey, celebrate kuriboley aru honour kuriboley, Swami Vivekananda laga birthday toh, kun toh hoiley India laga sob para dangor spiritual aru social leader asey. Tai para koishey itu din toh hoiley dedicate kuria toh jawan chukra chukri khan laga bhabhana ke promote kuriboley karney asey education tey aru community service ke encourage kuri kena. Tai para itu bhi brief kurishey, itu inspiring journey tey, Swami Vivekananda laga ekta monk hisap tey, philosopher, author and religious teacher hisap tey. Mali para itu youth khan ke inspire kurishey, predetermined aru positive bhabhana toh develop kuriboley, future nimitey success assure kuriboley, ki ki laga field tey tai khan pursue kurilebi. Tai para itu bhi share kurishey, tai laga tremendous experience khan toh, tai IAS officer hoiboley khidai thaka homoi tey laga aru itu youth khan ke husiyar janaishey, drugs khan nishina activities khan nishina tey para durr thakiboley koishey, kiley koiley youth khan toh hoiley future laga leader asey, kali laga.
Zakato L. Zhimomi para tai laga keynote address tey, itu International Youth Day/week laga event khan highlight kurishey.
Add Comment