January 16, 2024: Viksit Bharat Sankalap Yatra (VBSY) Urban campaign, Nagaland tey extend kurishey 24th January 2024 tak aru itya toh 25 para pishe Urban Local Bodies (ULBs) state khan cover kuribo.
Boila phase tey, VBSY Urban Campaign toh cover kurishey 16 ULBs. Itu extended campaign toh shuru kurishey itu moina 13th para aru covered kurishey Cheiphobozou Town Council under Kohima District aru Meluri Town Council under Phek District laga.
Aji laga event toh Nuiland district tey moved kurishey aru ekta event toh Clock Tower under Nuiland Town Council tey conduct kurishey. DC Nuiland Sara S Jamir aru EAC Vitoka Yepthomi attend kurishey itu event tey special gues aru chairperson kurikena. Aru itu event tey ADC and Administrator, Nuiland TC S Athsangla para welcome address teishey.
Itu loa homoitey, Ayushman Bharat/ Health camp, Ujjwala 2.0 PM SAVNidhi aru PMJJNY/ MPSBY/ APY khan laga service khan provide kurishey. Itu event laga alag highlights khan toh Prime Minister Narendra Modi laga screening video tikhaishey.
Second event conduct kurishey DC Office Junction, Longleng district tey. Special guest aru chairperson thakishey, DC Longleng Dharam Raj aru MTS, Longleng Town Council Isaac P Pongshi Keikung, aru alaga alag related programs khan be conduct kurishey.
Ek din laga break loikena, next event toh Dimapur East Town Council, Tening Town Council, Peren district aru Changtongya Town Council, Mokokchung District tey conduct kuribo, Wednesday tey.
Add Comment