West Bengal te business toh 10.30 PM dak kulibo

Kolkata: West Bengal government para shops aro business establishments aro etu oper te bars aro restaurants toh normal samai neshina 10.30 PM dak kuliboli janaishe. Etu relaxation toh Monday din para soruh hobo. Thursday din state administration para COVID restrictions toh August 31 dak junaikena ase, hoilebi rathi samai curfew toh tui(2) gonda komti korishe aro etu 11 PM para 5 AM dak thakibo. Government outdoor programmes toh COVID protocols hesab te kara te jolibo. State administration para aro theatres, auditoria aro open air theatres toh 50 per cent seating capacities hesab te maniboli janaishe. “Stadiums aro swimming pools toh be etu samai 50 per cent te kulibo.” Koikena order te janaishe. Chief Minister Mamata Banerjee para COVID restrictions extension junai deya te rathi curfew toh be Thursday din te janaishe. Etu kam nemite fesla lowa toh itya laga halat saikena state disaster management authority laga executive committee logot melikena bonaishe. Etu samai state te COVID-19 tally toh 15,37,185 te ase aro 739 manuh logot bemari toh positive tested paishe, etu samai te aro bemar para 8 jun morishe, etu melaikena coronavirus bemar para itya dak te 18,276 manuh morikena ase koikena health bulletin hesab te janaishe. North 24 Parganas district te sobse besi 89 bemari cases thurishe etu beche Kolkata te 88 cases thurishe koishe. North 24 Parganas te be aro sobse besi 4 jun mora khobor paishe aro Kolkata te 3 jun mora khobor thakishe. Itya state te 10,109 active cases ase aro 749 manuh bemari bhal hoikena ase, etu melaikena 15,08,800 manuh bemar bhal hoikena ase, koikena bulletin para janaishe. Etu samai recovery rate toh bhal hoikena 98.15 per cent te ase. West Bengal te itya dak.63 lakh COVID-191samples tested loikena ase aro 24 gonda pithor te 45,442 samples tested loishe.