New Delhi, 8 October : India Wrestling Federation (WFI) Tuesday din Paris Olympics te bronze medal jeeti thaka Aman Sehrawat ke ek saal tak suspend kori dise, karon 22 saal laga itu wrestler September mahina te Croatia laga Zagreb te World Championships te 57kg weight limit exceed kori thaka karone disqualify hoise.
Itiya itu suspension 23 September pora effect te ahise, aru etu hisab te Sehrawat ke wrestling-related sob activity pora — national aru international dui te — September 2026 tak participate nakoribo. Itu faisla WFI President Sanjay Singh confirm kori dise aru IANS ke koi dise ki itu wrestler laga disciplinary notice te diya reply “unsatisfactory” paise.
Tai etu bhi add kori dise ki Sehrawat laga coaching staff logot bhi formal warning diya hoise, aru federation taraf pora itu wrestler ke final action loi biya age ek haafta time dise reply dibole.
Sehrawat laga explanation aru tai laga support team pora diya clarification sob disciplinary committee verify kori loise, kintu committee etu “unsatisfactory” kuina declare kori dise.
Committee etu bhi mention kori dise ki Sehrawat September 14 laga scheduled bout age 18 din age Porec, Croatia te preparatory camp join kori thakise, aru etiya weight aru fitness regulation maintain koribo lage time thakise.
Etu ek saal te India laga wrestler logot third disciplinary incident hoise — etu age Vinesh Phogat laga Paris 2024 Olympics pora withdrawal aru Neha Sangwan laga 2025 World Under-20 Championships te weight compliance aru fitness standard related disqualification bhi thakise.
Etu ek saal laga ban Sehrawat laga career te dangor effect hobo pare, specially tai laga 2026 Asian Games laga preparation te, juntu September 30 pora October 3 tak rakhi jabo. Jodi WFI laga faisla revise nakore, itu suspension laga timing Sehrawat laga participation aru form duita te bisi effect koribo pare itu continental competition age.
Add Comment