November 2, 2023: Office of the Deputy Commissioner & District Election Officer Wokha para dui din laka free Football Coaching Camp aro exhibition match organized kuri shae 30th aro 31st October 2023 deh. Etu Camp aro match tho DBHSS Football Ground Wokha deh organized kuri shae Chief Electoral Officer Nagaland, Kohima laka initiative pitor deh.
Event tho SVEEP activities laka pitor deh organized kura ase. Camp tho five-member team para conduct kuri shae aro tateh AIFF certified coaches kan b taki shae. Sob milai nah 56 students participate kuri shae camp deh kun kan alak laka school para ahi shae.
Camp deh kotha kura time deh, Nuhuta Tunyi, SDO© Wokha & Nodal Officer SVEEP para jawan students kan keh Electoral Rolls deh enroll kuri b kui nah encourage kuri shae. Taikan informed aro ethical voting para clean election practice kuri bo karne. Ekta exhibition match b kili shae participants laka majo deh. Match laka winners kan keh Jersey award kuri shae shae kuto coaches para dia ase.
Add Comment