Dimapur, 08 December: Nagaland Deputy Chief Minister aro incharge of Home Y. Patton toh aji, 8th December 2021 te nejor jai kena sob six (6) jokhom powa victim khan ke lok korise. December 5th Oting hatsa te jokhom powa victim khan toh CISHR Referral Hospital aro Faith Hospital Dimapur te treatment loi ase.
Patton para victims aro family members ke kotha aro mondangor kora samai te brave/bold hobole koise, tai khan joldi phal hoijabole wish korise aro jokhom powa victims ke financial motob deshe. Patton para jokhom powa victims ke apuni toh eku galdi nahowa te bekhai ase aro dukh pai ase aro etu para ami laga monn bekhaise koise.
CISHR te admit howa victims khan: Phojem Konyak (35 omar), M. Tingtei (31 omar), Atem (29 omar), Manglei (47 omar), Baujoi Phom (38 omar) aro Faith Hospital te Temjun Konyak (41 omar) ase.
Deputy Chief minister logote Commissioner Police Dimapur Rothihu Tetseo IPS aro tusara police officers, EAC Chumukedima, Village Council members aro tusara khan para shaath/accompanied thakise.
Add Comment