Zydus Cadila’s Covid vaccine etu hafta Govt para manibo

New Delhi: Government para besi joldi etu hafta pithor te Zydus Cadila’s needle-free Covid-19 vaccine ‘ZyCoV-D’ logot emergency use authorization maniboli ase, koikena news agency ANI para janaishe. India te ‘ZyCoV-D’ Covid vaccine toh 6^th wala vaccine paijaboli ase. Dosura 5 Covid vaccine toh- Covishield, Covaxin, Sputnik V, Moderna, aro Johnson & Johnson single-dose vaccine toh itya dak Government para manikena ase. ‘ZyCoV-D vaccine toh tinta(3) dose vaccine ase aro companys para hotai saal 10-12 crore doses bonaboli bapana te ase, koikena Zydus Cadila para statement te janaishe. Pharma para aro janaishe ke, tai khan para sobse tangor Covid vaccine trail toh loishe aro India pura te 50 testing centres ase. Jowa hafta, Union Health Minister Mansukh Mandaviya para Parliament te koishe ke, aro 4 Indian pharmaceutical companies para vaccine toh October-November moina te bonaikena vaccination drive jai thakibo. Vaccine allocation laga data janai deya te, Mandaviya para koishe ke, private hospitals te 7 – 9 per cent neshina doses toh najolaikena thaka toh government vaccination centres te jolaboli koishe. Mandaviya para aro koishe ke,  Biologicals E aro Novartis vaccines toh be aha din samai market te paijabo koishe aro etu te Zydus Cadila ke be expert committee para joldi emergency samai jolaboli manibo. Biju Janata Dal (BJD) leader Amar Patnaik para sawal ekta ’12 para 18 umer logot vaccine olaboli hota te’ minister para janaishe ke, “government laga target toh population sob logot vaccine thiboli bapana ase aro etu kam toh kamyaab hoboli etu hesab te kam kori ase.”