Headlines

Noke Konyak pora Video aro Radio Jingles ulaidese

September 1, 2018
505 Views

KOHIMA, AUGUST 31 : Department of Social Welfare, Child Services laga Minister Noke Konyak pora Radio te Video thaka aro Jingles toh 31st August 2018 te Secretariat Conference Hall, Kohima te ulaidese.

Etu din te Secretary, Social Welfare Department & Chairman, Child Protection Services, Sarah Ritse pora kotha kurise. Etu ke tai etu Video Radio te anedebole kura toh ekta morom laga kotha ase. Huilebi etu nesena chis toh kanoon hisabte hi julabole kuribo lagi koi kena janaise. Tai bi etu kotha kura ke Juvenile Justice Act hisabte etu anedebole kura (adoption) matlab toh bacha ekta tusera manu pora balibole kura toh hutai nemite etu bacha toh tai neju bapa laga khor pora chari jaijua laga kotha ase. Aro etu bacha toh balibole luijua manu laga hutai khor manu hi huijai. Kele etu bacha toh etu bala manu laga kotha kan hi mani kena thakibole ulaijua hua pora koi kena.

Etu maiki bi tusera ki-ki bhal kotha janaide thakise.Aro tai bi etu Video aro Radio Jingles ula pora ami kan manu majutte ekdam bhal banaidebole hisabte hi ula laga ase koi kena janaise. Aro etu anedebole kura (adoption) chis pora ami kan General Public ke ekta pujikena thakibole laga babuna thkibo bari koi kena janaide thakise.

Etu din te Health aro Family Welfare, Police Department, Judiciary-Legal Service Authority, DIPR, Labor Department, State Resource Centre for Women, the Statutory Bodies (SCPCR, Child Welfare Committee, Juvenile Justice Board, Child Line, Governing Body of SARA), Specialized Adoption Agency aro Child Care Institutions, District Child Protection Unit Departments kan bi ahe kena thakise koise.

Etu Din te Director, Child Protection Services, Chubainla Jamir porabi etu anedebole kura (Adoption) laga bhal kotha kan janaise. Aro tai bi etu bacha kan anedebole kura toh Adoption Agencies kan laga motub pora anedebole bari koi kena janaise. Etubi Radiant Education Spociety (SAA), Kohima Orphanage aro Destitute Home (SAA), John 3:16 (SAA), Mon, Wondang-Ki Charitable Foundation (SAA) Dimapur kan laga motub pora.

Etu din laga Programme toh Secretary Social Welfare Department aro Chairman Chiled Protection Services, Sarah R. Ritse pora ahkete luijai kena manaise koise.