Agencies, 23 October: Monday din English Premier League deh Arsenal 3-1 pora jetise Leicester City logode.Arsenal nemide Mesut Ozil pora 45 minute deh ekta goal thala thakise. Aro etu bechide Pierre-Emerick Aubameyang pora 63 aro 66 minute deh tuita goal thalibole para karni aramse 3-1 score pora jeti lowah thakise. Leicester khan ekta goal thali kena thaga toh Arsenal laga khelari pora nejor laga goal deh galdi pora thala karni ase. Etu galdi pora goal thala khelari laga naam toh Hector Bellerin ase. Tai pora 33 minute time deh galdi pora nejor laga net deh goal thalise.Arsenal toh next Sporting logode khelibole ase aro Leicester City toh West Ham logode khelibole ase. Sunday din Everton aro Crystal Palace khela Everton 2-0 score pora.
April 26, 2024
World's First and Only Nagamese Newspaper
Add Comment