Men’s hockey de India harise

Agencies, 30 August: Asian Games 2018 laga men’s hockey semi-final match de India harise Malaysia logode 6-7 pora penalty-shootout de. Etu agae full time match de tuita team be 2-2 pora draw howah thakise.

Indian women’s squash team harise

Indian women’s squash team toh against Hong Kong logode 1-2 pora hari-kena Group B de second pora kothom hoise. Senior khelari Dipika Pallikal aro Joshna Chinappa toh Joey Chan aro Annie Au logode 1-3 aro 0-3 pora hara thakise. Hoilebe Sunayna Kuruvilla toh Tze Lok Ho logode second single de jeti-kena ase.

Koreas basketball team gold karni khelibo

 Korean women’s basketball toh final de kushise. Tai khan Taiwan logode 89-66 pora jeti kena final kusha laga ase. Aro semi-final laga second de China pora Japan logode 86-74 pora jeti-kena ase. Tai khan Koreas team logode besi biswas kori ase gold jeti loi-jabole.

Men’s 1500m de Jinson Johnson gold jetise

Asian Games 2018 laga men’s 1500m de Jinson Johnson pora gold jetise. Tai Iran’s Amir Moradi laga agae de 3:44.72 timing pora jeta laga ase. Amir Moradi toh 3:45.62sec timing pora silver jetise aro Bahrain’s Mohammed Tiouali toh 3:45.88sec timing pora bronze jeta thakise.