Kohima, 5 December: Beauty Aesthetics Society of Nagaland (BASN) pora Miss Nagaland 2018 title laga semi-finalist khobor janaisse. Tuesday din BASN pora press release deh kowah toh, Nagaland laga alag-alag elevent semi-finalist toh junise crown nemide kothom hobo karni. Etu sessions deh motob kora khan toh Unlimited Learning Academy laga Wecheteu Khape, Dr. Itolu Tunyi and Dr. Vetsolu Hiese; Trig Empower Institute Guwahati laga Chow Poran, Fbb Femina Miss India Nagaland Ruopfuzhano Whiso aro reigning Miss Nagaland 2017 Marina Kiho ase. Organisers khan pora kowah toh, Chow Poran toh event laga official choreographer thakibo. Etu event toh Hornbill Festival laga part hesab deh, December 9 deh thakibole ase. Aro etu toh Kohima town osor Jotsoma jaga laga Regional Centre of Excellence for Music & Performing Arts deh thakibole ase. Event laga official make-up toh Johnny D’Ascoli ase aro official designer toh Lia Jamir ase. Show laga special judge toh Koyal Rana, Femina Miss India World 2014 ase. Press release hesab deh event laga Guest of Honour toh Nagaland laga governor PB Acharya thakibole ase. Kushibole aro jabole karni BASN pora 8259987376 aro 8730883907 numbers deh kotha koribe koikena koise.
BASN pora Miss Nagaland 2018 laga semi-finalists janaishe
Add Comment