BANGLADESH: Officials khobor hesab te 102 genika Bangladeshi meth dealers khan authorities khan logote surrender kurishe. Etu toh coastal town laga agay para banai kena thaka ceremony te hoishe. Bangladesh khan jua saal drugs laga khilaf te larai suru kurishe.
Police koishe 24 yaba “godfathers”, lieutenants aro peddlers khan desh laga home minister logote surrender kurishe. Etu toh Teknaf town te hoishe. Teknaf town toh yaba lukai (smuggle) kena desh te ana laga key gateway ase. DEsh te tai khan yaba toh Myanmar para ane. Mayanmar te etu pills toh millions hesab te manufacture kure.
Dealers khan para 350,000 vanilla-scented, chutu lal (red) yaba pills bhi surrender kurishe. Thi para etu laga matlab toh “crazy medicine” ase. Aro tai khan para 30 illegal firearms bhi surrender kurishe.
Desh laga police chief Mohammad Javed Patwary koishe kun khan surrender kurishe tai khan nimite authorities khan logote kotha kuri kena tai khan laga saza (prison sentence) toh komti kuri dibo koishe. Aro tai khan ke wapas normal jeevan te anibole modot kuribo koishe.
Add Comment