BANGKOK:
Police koishe off-duty Thai cop para French tourist ke guli mari kena murai dishe. Etu ghatna toh Wednesday te hoishe. Etu ghatna toh Bangkok district laga bar te mudu khai kena jagara para hoishe.
Parisian ke downtown apartment block te guli mari kena muraishe. Police sergeant major tourist laga Thai girlfriend ke approach kurishe. Parisian toh police sergeant major logote jagara hoishe. Parisian laga umar toh 41 years thakishe.
Chief of Thailand’s Immigration Police Surachate Hakpan news agency AFP ke koishe
Tai khan mudu khai kena thakishe, tai khan jagara hoishe, etu pichete mara-mari(fist fight) hoishe hoile bhi policeman toh wapas maribo para nai.
Surachate Hakpan koishe policeman tourist ke follow kurishe aro tai ke dui bar guli marishe.Tourist toh Thailand te olop moina agote para thakishe.
Surachate Hakpan koishe police officer kun para tourist ke muraishe. Tai ke arrest kurishe aro kaam para ulai dishe. Etu police officer opor te murder case charges lagaishe.
Police para CCTV te deka dusra suspect ke besari ase.
Thailand pura te tourist mura laga video circulate hoishe.
Bangkok toh duniya laga sob para bishi visit kura cities ase. Bangkok toh khana(food) aro nightlife nimite jane. Nana district te etu murder toh Nana district te hoishe.
Thailand gun culture nimite ekdam bhal reputation nai. Mudu khai kena jagara kura, business nimite jagara huwa aro biya relationships bishi bar violence te he khotom hoi.
Add Comment