SANAA, Feb. 10(Saba)Yemen te adha para bishi population toh bhal khana napai kena ase. Yemen te United Nations koishe 8.4 million Yemenis toh khana toh bhal para na pai kena ase. Aro emergency food assistance te he depend kuri ase.
Yemen te larai huwa nimite aro economic te gerija nimite 15.9 million manu khan khana bhal para napai kena ase aro judi etu opor te juldi para kiba kura nai koile toh famine hubole laga bhoi te ase. Etu nimite Yemen laga 53 percent population affect hoi kena ase.
OCHA khobor hesab te Yemen te bhuk (Hunger) aro khana –komti huwa toh 70 percent uthishe. Etu toh pre-crisis levels aro bacha khan bishi biya para malnutrition huwa toh 150 percent para uthishe.
Saada laga northern province te international aid groups para estimate kurishe ke tate 445,000 manu khan khana laga modot lagi ase.
UN para etu genika bishi manu khan ke duibar bhat khelabole para khana pothaishe. Hoile bhi UN aro dusra organizations laga agi-kali laga figure hesab te thate thaka manu khan etiya bhi 65 percent genika kha-luwa komti hoi kena ase. WFP para bishi-para-bishi 12 million ekdam bhuk lagi kena thaka manu khan ke food aid pungchabole kosis kuri ase.
WFP koishe te kunba food relief toh debole nalaga manu khan ke diya janishe koishe. Aro kunba toh capital laga market te lab pabole nimitye bika (sell) janishe koishe.
UN laga World Food Program logote desh pura te 5,000 distribution sites ase koishe. Etu distribution sites para moina te 10 million manu ke khana baskets para pungchibole kosis kure. Hoile bhi tai khan koishe ke deliveries laga khaliu 20 percent he tai khan cover kuribole pare koishe.
Desh laga kunba hissa te larai, rastablocks aro bureaucratic khan para dikdar diya nimite khana aid toh pungchibole napare. Dusra area te aids toh pungche hoile bhi sob para bhuk laga kena thaka families khan logote napungche. Panch million opor bacha khan famine laga risk te ase. Larai para biya huwa jaga Yemen te khana aro tail laga daam toh bishi uthishe.
Add Comment