Phek

Mathi aro etu laga resources ami khan laga ase: Timikha Koza

January 10, 2019
169 Views

Chesezu (Phek District) January 9: Indian Constitution laga Article 371 (A) deh highlight korikena Advocate Timikha Koza, President, Tenyimi People’s Organization (TPO)   para jowah kali Advocate Timikha Koza, President, Tenyimi People’s Organization (TPO) para Chakhesangs laga manu khan logode kushi kotha janaishe. Tai para Indian Constitution Article 371 (A) laga special provision hesab deh mathi aro etu laga resource toh Nagas laga ase koikena janaishe. Koza para Chakhesangs laga manu khan logode hosiyar janaishe. Tai para hosiyar janaideya toh, Nagas laga future toh ami khan laga statue rakhikena aro bachai rakhi kena hee hobo koikena janaishe. Koza para etu kotha toh jowah kali Chesezu Village jaga deh Chakhesang Public Organization (CPO) 37th General Session lowah time deh janaideya laga ase.

Koza para kotha janaideya ke jama howah khan para Article laga ke bachabole aro status rakhibo karni manishe. Aro tai khan para be kenaga hoilebi special provision opor deh kotha nakoribo koikena manishe.

CPO President, Kekhwengulo Lea para tai laga presidential address time deh, Chakhesang laga manu khan majode unity aro peace thakibole laga kotha janaishe. Community manu khan laga support dekhi kena Lea para ahhibole din time debe eki logode melikena hosha laga atma para agae jabo karni janaishe.

Tenure phal para kothom howah ke CPO para resolution loise aro general approval paise. Etu toh jowah sal September 28 aro 29 dirk mani kena thaga ke saijai kena mana laga ase. Mani kena thaga khan toh nejide lekhikena ase:

 

 

Agricultural sector pethor deh, house para Civil Society organizations logode agriculture business, financial literacy, preparation of business plans nesana khan deh phal para saijabole janaishe.

Education sector deh, employable aro specialization education logode self reliance platform bonabole manishe.

Community unity perspective pethor deh, house para be eki logode mela-meli, ekta –ekta logode morom kori kena aro dukh time deh ekta-ekta logode motob debole janaishe.

House para be ami khan laga ecosystem deh biodiversity conservation gara rakhibole aro kash aro pani khan ke bachai rakhibole manishe. Etu agae deh, CPO Vice President, Ariyi Nienu para lead korishe, Rev Patrick Neikhalo, Parish Priest, Sacred Heart Church, Chizami para prathana korishe, Kuhusayi Nyekha, Chairman, Tsuswuveh para welcome kotha janaishe, CCO para folk tune korishe aro general secretary aro treasurer para report dese.