MELBOURNE, AUSTRALIA: Sunday te police koishe ki Melbourne Nightclub te drive by shooting huwa pichede ekta security guard murishe aro ekjun toh muribole nishena ase .Etu toh Austrailia laga second largest city te gun violence time te huwa ase.
Police koishe char jun manu – tinta security guard aro ekta patron bithor te ghussibole nimete rukha time te guli marishe .Etu chamela toh Sunday morning Prahran laga inner sub urb laga Love Machine club te hoishe.
“Etu guli mara toh etu jaka te thaka ekta garri para night club laga bahar te thaka manu khan uporte mara ase ,”Etu khobor toh Victoria Police Inspector Andrew Stamper para reporters khan ke koikena janaishe.
“Etu 37 sal security guard ke hospital te hoilebi tai murijaishe .Aro ekta 28 sal mota toh condition bhal nathakikena ase ,Aro dusra duita 29 aro 50 sal manu toh eman jhokom napaikena ase.
Police spokeswomen para AFP ke koishe etu shooting toh terrorism te link nai.Chan bin kura manu koishe etu toh motorcycle gangs, laga kaam ase . Melbourne’s Age newspaper khan kuwa hisaab te.
Police aro bi saiase ekta Porsche SUV bi etu shooting te involved ase na nai .KIle koile etu shooting time te etu garri olai thakishe aro etu pichede aro dusra suburb te julikena paikena thakishe .
Melbourne March moina te shooting huwa pichede etu nutun chamela ase .Etu march moina te huwa laga shooting chamela te charta alag alag chamela te 5 jun murikena thakishe .Etu charta chamela te duita toh gang related incident thakishe.
Austrailia te mass shooting toh eman nathakeh .KIle koile etu desh te firearms laws strict hoishe. ,Etu law toh 1996 te olaishe Port Arthur te 35 jun murai diya pichede bondukh thura manu khan para.
Western Australia te juwa sal ekta murder suicide chamela te ekta family laga saata members ke muraidishe .Etu toh Port Arthur attack huwa pichede sobse biya wala hamlaa ase.
Add Comment