Kathmandu: Police koishe ke French desh laga manu toh duita juwan chokora ke biya (sexually) kaam kuribole kotha kuri thakishe. Aro etu nimite tai khan ke poisa bhi dibole koishe.
Friday te Kathmandu laga Thamel jaga te police khan khobor pa nimite Georges Igor Himansky ke arrest kurishe. Tai toh 14 aro 15 saal thaka bacha khan ke etu biya kaam kuribole kotha koi thakishe.
Nepal police koishe ke police para ekdam thik nathaka sex aro bacha khan ke biya kuribole laga kotha laga case file kurishe. Etu toh Kathmandu District Court para French mota khilaf te file kurishe. Himansky toh bishi saal para juwan chokora khan opor te biya kuribole bisari thakishe.
Hota-hoti kuri kena janibole parishe ke Himansky ke tai nijor laga desh te saal 2000 te geraaftar kurishe. Etu saal te geraaftar huwa Himansky toh tisra (3rd) French manu ase.
Paper khobor kurishe ke Police para July moina Kathmandu te duita French mota ke bacha khan opor te biya kaam kuribole kosis kuri thaka dhurishe.
Add Comment