PM Modi’s laga 84 Foreign Trips deh $ 280 Million jaise A: Government

Agencies, 14 December: Jaija-adha sal deh  Indian taxpayers 65.9 billion rupees ($920 million) poisa phelai kena ase. Etu toh Prime Minister Narendra Modi’s laga hectic travel schedule aro tai laga government advertisement nemide ase. Notun government data hesab deh, prime minister’s laga 84 trips deh $280 million jaise aro government pora PM Modi’s flagship projects aro achievements othabole kora ke $640 million poisa jaise. Office deh ahha bechide PM Modi toh global affairs aro strategic interests phal koribo karni global leaders- U.S. President Donald Trump aro Japanese Prime Minister Shinzo Abe nesana khan logode besi par log kora thakise. Tai laga kunbah trips majode, informal summit toh Chinese city, Wuhan jaga laga President Xi Jinping logode lowah be melikena ase. Etu time deh summit toh phal pora lowah thakise. 2016 sal tai Japan deh trip jaa toh India laga poisa 86 percent hataideya bechide ase. Tai pora  hataideya karni bank deh millions poisa toh kaam nathaga hoija thakise. Etu time deh opposition khan khan pora tai logode bothnaam kora thakise. Public khan dukh pai thaga time deh tai toh duniya deh perai thakise. Government khobor hesab deh, Africa deh trip jaa time deh, PM Modi pora Rwandan villagers khan logode 200 dairy cows deya thakise. Etu time deh tai China’s Yunnan province jaga laga yoga collage khulibo karni memorandum of understanding sign kora thakise. Tai pora Turkmenistan logode yoga aro  traditional Indian medicine debe mela-meli thakibo karni wada kora thakise.