Saturday din PV Sindhu toh Singapore Open te Japan laga World No. 3 Nozomi Okuhara logote semi-final khela 7-21, 11-21 score para harishe. Etu Japanese second seed toh ekdam khatara thakise aro Sindhu ke match laga shuru pora hi tai laga kabu nijete rakhise. Pohoila, Sindhu vs Okuhara khel te khobor besi dangor thakise. Kile koile tweijun bi besi kara kheliya nimite. Hoilebi Singapore Open semifinal te ekta finel pora aaramse harai dise, tate Okuhara pora tai laga rival logote khilaf aaram pora khelise.
Okuhara, kono pora Saina Nehwal ke quarterfinals te aaram para haraise. Sindhu ke bi etu nisina aaram para harai dise. Etu shuttler pora Okuhara laga hamla ke jawab dibole pariya nai.
Etu match toh Okuhara para 5-0 lead loikena shuru korise. Sindhu toh pohoila kiriya para wapas ekbar bi othibole pariya nai aro pohoila game Okuhara logote khilaf 21-7 para harise.
PV Sindhu pora second game te olop kosish korise, aro shuru te osor thakibole olop parise. Etu Indian star toh match te 4-4 para wapas othibole phabona kori thakise.
Hoilebi Okuhara para etu game te bi 10-4 para lead loise.
Sindhu para ekta point lowa bicchete, etu Japanese star para aro choita points kamaishe aro 16-5 para lead loise.
Sindhu para aro olop points kamaibole parise hoilebi Okuhara logote gap toh besi thakise. Etu World No.2 para Sindhu ke aaram para 37 minutes te harai dise.
Okuhara toh etiya Chinese Taipei star aro World No.1 Tai Tzu Ying logote khilaf khelibo. Tai para Akane Yamaguchi logote khilaf 5 points pajaikena jitise.
Add Comment