NEW DELHI: India te aro 20,279 notun coronavirus cases thura khobor paishe, etu melaikena India laga Covid tally toh 4,38,88,755 hoishe aro etu samai active cases toh 1,52,200 te othishe, koikena Union Health Ministry data hesab te janaishe. Government data hesab te, 24 gonda pithor 36 notun mora khobor paishe, etu melaikena itya 5,26,033 jun morikena ase koishe. Etu bemari sob melaikena itya active cases toh 0.35 per cent ase aro etu samai national COVID-19 recovery rate toh 98.45 per cent recorded ase, koikena ministry para khobor janaishe. India te coronavirus bemari para 4,29,07,327 manuh bemar bhal hoikena ase aro etu samai bemar para manuh mora toh 1.21 per cent recorded hoikena ase. India te COVID-19 tally toh August 7, 2020 darik te 20-lakh hoishe, August 23 darik te 30 lakh hoishe, September 5 darik te 40 lakh aro September 16 darik te 50 lakh pongchise. Etu jai thakina September 28 darik te 60 lakh hoishe, October 11 te 70 lakh, October 29 darik te 80 lakh, November 20 darik te 90 lakh hoishe aro December 19 darik te one-crore pongchise. India te 2 crore toh jowa saal May 4 darik te pongchise aro June 23 darik te 3 crore pongchise.
24 gonda Pithor 20,279 Cases Aro 36 Jun Morishe
