Bengaluru, Jan 11: Bengaluru laga metro pillar girishe. Ekta maiki aro tai laga chutu bacha murishe. Aro tai laga mota aro chukri toh hospital te jokhom hoi kena ase. Muri ja maiki laga baba toh tai laga dead body toh nalobo koishe, Enaka be koi ase ki etu metro pillar laga under construction toh cancel kuribo lage. “ Enaka be koi ase ki etu contractors khan laga license toh cancel kuribi nahoile dead body toh nalobo.
Kun tai khan ke eman lamba pillars banabi koishe? Tender khan cancelled kuri kena kaam toh rukhabi, moi sabo court te ki kuribo lage,” Madan Kumar, muri ja maiki laga baba para enaka koishe. ‘Moi laga hath te eku be nai’. Ekdam bhoi laga hatsa bhabi le. Lohit, muri ja maiki la mota para koishe ki tai toh sob haraishe. Etu hatsa hua karne tai bishi mon dukh hoi kena enaka government ke message dishe.
Aro enaka hatsa toh ahi thaka din the lok napabo lage. Etu hatsa hoi ja te mota para enika koishe, “Moi khan toh two wheeler para travel kuri thakishe. Moi toh tai khan ke ekta jagah te charibo thakishe, hoilebi etu hatsa toh achanak para hoi jaishe. Moi kitya piche ghuri kena saishe ami laga maiki aro bacha toh giri kena thakishe. Aro etu sai kena ami laga hath te iku be nathakha hoi jaishe.
Tai etu be government khan ke koi ase ki enika hatsa hobo nalage etu karne ekdam precautions khan loi kena thakibi. Sob safety measures khan lobo lage. Tai para koishe. (India tv news)
