NEW DELHI, NOVEMBER 26 : 26/11 Mumbai atank hamla laga tenth anniversary agi ase. Etu hamla te 166 manu morishe aro 300 opor manu jokom hoishe. 10 saal (years) agete, 10 Lashkar-e-Taiba atankwadi (terrorist) Mumbai te Karachi para ahishe. Etu hamla toh Mumbai te hua toh 3 din nesena thakise koise. Atankwadi khan security forces logote larai kora samay te bomb putaishe aro hostages khan ke dhuri rakhishe. Hamla kora jaga khan majote Taj Mahal Palace hotel, Chhatrapati Shivaji Terminus railway station aro Leopold Café thakishe. Etu hamla laga khota duniya pura te hoishe. India toh etu hamla para aro bhi takatwar (stronger) hoishe. Government bhi anti-terror framework karne policy te major change anishe. National Security Guards, Mumbai police aro Indian Navy’s marine commandos Marcos etu atankwadi larai te bishi himmot dikhaishe aro bishi manu laga lives bachai dishe. Etu larai toh thai-khan laga modot para khotom hoishe. Agi Mumbai kenika etu larai te khara korishe India kan etu yaad kori ase.
Etu 26/11 hamla kura manu thurile $5 million debo : US
US Secretary of State Mike Pompeo pora Sunday din Pakistan desh kan ke India desh laga Mumbai te 2008 sal, November 26 te hamla kura chamala nemite action lobole kuribi. Aro etu chamala te kun pora hamla kurise etu manu thuridebole kuribi koi kena janaise. Eneka huikena etu hamla kura manu thurise koile tai kan Washington, US desh laga pora $5 million tai kan desh laga poisa debo koi kena janaise.Department of State’s Rewards for Justice (RFJ) Program pora koa hisabte etu poisa debole laga toh $5 million nesena ase. Aro etu poisa toh chuti etu hamla kura manu laga khobor janaidiya ke debole laga ase koi kena janaise. Etubi kuntoh desh laga manu huilebi etu hamla kuribole kotha manai kena thaka aro etu hamla kuribole kura laga khobor janaise koile. Aro etu nesena poisa debole kura toh US desh pora 3 bar wala janai ase koise. Kele boila bi etu US State Department pora $10 million poisa toh Lashkar-e-Tayyiba (LeT) ula manu (Founder) Hafiz Mohammed Saeed nemite aro $2 million poisa toh tusera Senior Leader etu LeT Group laga Hafiz Abdul Rahman Makki nemite debole kurikena thakise koise.
Add Comment