Mumbai: Monday te, 32 umar taxi jula manu ke jowa ulap mohina te TV aro film producer Ekta Kapoor logot te lokai kena dhamali kuri dhakiya pora dhurise. Hindustan Times pora khobor kurise ki police pora dhuriya manu Sudhir Rajender Singh ke Ekta logot te 30 times upor te biche kuri kena paise, Juhu temple aro tai laga gym bhi milai kena. Police pora aro etu biche te koise ki Sudhir toh etu maiki logot te sadi hoi kena tai laga film te kam kuribole monjai dhakise.
Khobor te, police pora Sudhir Singh ke Ekta Kapoor laga company pora complaint file kura sat joldi dhuri loise. police officer pora likhise, “Moi khan Kapoor pora mana kuribole kosish kurilebe etu manu pora city bura khorai kena tai laga biche kuri dhakise koi kena khobor paise.” “Enika log kuriya toh ulap din ake te Juhu laga temple te Kapoor jowa somoy te hoise koise. Singh pora tai laga biche kuri kena log kuribole monjai dhakise,hoile be Kapoor laga security guard khan pora rokhai dhakise,” police officer aro etu be koise.
Guards pora warn kurilebe, Sudhir Singh pora Ekta Kapoor laga gym te rukhi dhakise. Amboli police pora Sudhir Singh laga khilaaf FIR likhise aro tai ke bishari dhakise. officer pora aro koise, “Moi khan pora tai ke bisharibole Veera Desai Road te technical surveillance julaise.Kodha hudiya somoy te,tai pora bishi bar biche kuri kena paise.”
Sudhir Singh laga phone te check kuriya laga kodha te,officer pora aro koise, “Tai pora kinika Kapoor dhakiya laga jaga aro timing laga khobor toh kinika paise etu janibole lake.Moi khan pora joldi charge sheet submit kuribo.”
Add Comment