AIZAWL: Mizoram Excise and Narcotics department Officials aro Assam rifles troopers para heroin 700 grams, Rs 19.60 lakh daam logot 4 jun manu pithor te Myanmar national samil hoikena thaka khan ke thurishe koishe. Etu manuh khan ke Aizawl te alag-alag tuita(2) jaga para joint operation samai thura ase. Khobor powa nemite, excise department aro Assam Rifles laga Field Intelligence Unit (FIU) para Saturday din Aizawl laga Zarkawt jaga te check korikena heroin636 grams, Rs 17.50 lakh daam toh tin(3) manuh laga hath te para thurishe, koikena official para khobor toh janai thishe. Thura manuh laga nam toh- Lalropianga (38), Lalneihsanga (40) and Lalsiamthara (21) umer ase aro tai khan sob toh Champhai town te thaka manuh ase koishe. Dosura ekta thura khobor te, Excise and Narcotics department officials para Sunday rathi te heroin 77 grams toh Aizawl laga Bawngkawn jaga para thurishe. Heroin beka ek jun Lalvulliani (38) umer, Myanmar laga Khawimawi bosti manuh logot be contraband toh Rs. 2.10 lakh daam thurishe, koikena officials para janaishe. Etu 4 jun manuh ke be Narcotic Drugs & Psychotropic Substances Act, 1985 pithor alag-alag sections te booked korishe koishe. Etu beche tai khan ke Special Court (ND&PS Act) para court te loikena jowa beche Aizawl Central jail te putaishe koishe.
