New York, 12 July 2025 : US, Egypt aro Qatar try kuri ase ekta ceasefire fix kuri bo karone Israel aro Hamas majote Gaza war nimi te. Hamas etu week declare kuri she ke aid supply laga issue ekta major problem ase.
Israeli officials signature kuri she ke UN continue kuri jaibo lage main humanitarian aid delivery channel hisap te, especially tai ceasefire hoi jai lae. UN World Food Programme deputy Carl Skau Friday din reporters ke janai dise ke Israeli logot meeting time te “Gaza Humanitarian Foundation” (GHF) laga naam ula nai, aro UN ke preparation rakhibo kuise scale-up kuri bo karone.
Israel aro US chahise ke UN GHF logo te kaam kuri kena aid delivery support kuri bo, but UN etu refuse kuri she, questioning GHF neutrality aro criticize kuri dise ke aid delivery militarize kuri ase aro displacement force kuri ase.
May 19 din te, Israel 11-week blockade uthai dise, aro UN aid delivery limited scale te start kuri she. GHF ek hapta piche operation launch kuri kena, private US firms use kuri she ke aid distribute kuri bo. UN Human Rights Office report kuri she ke 615 deaths GHF site najai kena ta te aro 183 deaths aid convoy route te hobo pare.
GHF claim kuri she ke kun bhi death thaka nai tai khan laga site te, aro 70 million meals deliver kuri she. US $30 million funding approve kuri she GHF ke. Israel aro US accuse kuri she Hamas ke UN aid chori kuri bo, hoilae bhi Hamas deny kuri she.
UN koise ke taikan laga aid system effective ase, specially ceasefire time te 600-700 trucks aid daily poun chai dise, aro etu laga aid regular hoile looting bhi komti hoi jabo.
Add Comment