KOPPAL, KARNATAKA:Jua kali ekta ghor te family muri kena paishe. Etu family te choita manu(baba, ama aro tai khan laga choita chukuri) thakishe. Etu ghatna toh Koppal, Karnataka te hoishe. Local police khan bisas kuri as eke etu toh suicide laga case ase.
Etu choita manu khan laga identity toh enika ase: Shekhariah Beednal, tai laga umar toh 42 saal ase, Shekhariah laga maiki laga naam toh Jayamma ase, maiki laga umar toh 39 saal ase, aro tai khan laga chukuri khan laga naam toh etu khan ase: Basamma, tai laga umar toh 23 saal ase, Gauramma, tai laga umar toh 20 saal ase, Savithri, tai laga umar toh 18 saal ase aro Parvathi laga umar toh 16 saal ase. khobor hesab te Basamma aro Gauramma toh shadhi hoi kena thakishe. Police suspect hesab te Shekhariah Beednal nijor ke ceiling fan te hang nokura agote, tai laga maiki aro bacha khan ke poison de dekina murai dishe.
Local media khobor hesab te family toh ekdam bishi bank loan loi kena thakishe. Tai khan laga dhan khan sob biya hoi jaishe. Samnay(neighbours) manu khan para etu kotha police khan ke khobor kurishe.
Police khan tai khan kile murishe etu janibole investigate kuri ase.
Add Comment