Arunchal Pradesh: Namsai Te Dengue Bimar Uthea ase

Itanagar, August 10, 2025: Official khan para koishe ki. Yete Achanak para Namsai District laga Chongkham Block te. Report kurishe ki. Dengue bimar laga cases toh uthea ase koishe. Aru Official khan parabi janai dishe ki. Etu District laga Health Facilities khan para report kurishe ki. Taikhan tarika khan kuri kina janibole parishe ki. Etea achank Dengue bimar laga cases khan toh uthea ase koishe. Enika bimar uthea te. Namsai District Administration khan para janai dishe ki. Chongkham Block ke ‘Dengue Outbreak Block’ koi kina nam dishe koishe. Aru etu bimar toh aru bishi naphilabole karne. Namsai Deputy Commissioner CR Khampa para koishe ki. Public khan ke hoshiar thakhibole janai dishe. Tate thakhea manu khan ke. Nala khan toh bhal para sapha kuribole janai dishe. Aru potholes, mati te chinda thakhea khan bi bon kuribole janai dishe. Yete panni khan ke jama kuribole nadibo nimete. Aru blood test khan aru Doctor khan logote phak jabole janai dishe. Yete Bukhar khan ulaishe koile. Aru Mosquito khitabole laga cream aru alak tarika khan chulabole janai dishe.