PM Narendra Modi: Delhi Toh Upni Osor Te Ase

IMPHAL, January 5, 2018: Prime Minister Narendra Modi pora Friday te Manipur laga eight projects inaugurate korishe. Etu logot te alag four projects laga foundation stones lakai dise. Etu projects kan tu Rs 1,500 crore laga ase aro etu project te Moreh laga Integrated Check Post(ICP) bi ase. Etu project laga aim tu India aro Myanmar laga majod te trade aro tourism boost koribo karne ase.

“Etu ICP tu khali check post ekla nahoi. Etu pora custom formalities, tourists karne visa aro facilities kan bi dibo. Etu pora india aro Myanmar laga trade aro tourism othai dibo.” Modi pora public meeting te koishe.

Alag projects inaugurate kuriya toh Imphal East district laga Sawombung te food storage go-down, Ukhrul district te buffer water reservoir, Churachandpur district laga water supply up-gradation, Kangpokpi district te eco-tourism complex, Noney district te integrated tourist laga chakka aro Ukhrul district te water supply ase.

“Bohoila toh governments pora Manipur aro northeast ke saa nai. Hoilebi etiya toh Delhi apunar laga osor te ase. Moi nijor char saal bhitor te northeast te 30 times nishina ahise”. Modi pora koise.

Prime Minister pora Imphal te Dhanamanjuri University aro Imphal West district laga Langjing Achouba te astro-turf football field karne foundation stones lagai dise.

Modi pora purana government ke development projects kan khodom nakuriya karne “criminal negligence” koi kena bodnaam kurishe.

Chief Minister N Biren Singh pora state te chola  BJP government pora ‘Pahar jabo’ aro ­‘Bosti jabo’ nishina shuruwat kam kuriya karne khusi powa laga khota honai dise kile koile etu pora government aro dur laga manu kan ke osor ani diye. Tai pora Imphal airport dangor koriya logot te, din ta maiki laga bazaar aro helipads bonaibole laga khota honai dise.

Chief Minister N biren Singh pora tai laga speech te alag development programmes kan tai laga government pora bonaibole laga janai dise.

Etu samoi te state laga manu kan ke diktari paishe kile koile bithor manu pora Prime Minister laga visit ke boycott koribole pura state bandh kurise.