SHILLONG, January 5, 2018: Meghalaya Chief Minister Conrad Sangma pora Friday din te koa hisab te toh amikhan koila khonta pon kora pora iko solution hobole nahoi koikena tai pora koishey. Itia Meghalaya ke illegal koila khonta jaga te accident hoikena 15 jon koila khonta manu khan pitor phasi kena ase. taikhan jinta ase na morise iito laga eko khobor nai. Video taped kora statement te Meghalaya Chief Minister Conrad Sangma pora koa toh “itia laga situation ke koila khonta ban kora pora eko hobole nahoi. Hoilebi amikhan ki koribole lage koile toh, amikhan inaka accident hobole laga situation toh paratak rokhabole koshis koribolelage. Environment aro koila khonta manu khan ke phal pora pajabole laga rasta janibole lage. Aro ito khan ke first priority dibole lage. Hoilebi ito regulation khan toh inaka hobole lage ki amikhan laga economic condition ke affect nahobole lage.”
National Green Tribunal pora Meghalaya ke “rat-hole” koila khonta system toh hatai dibi koikena April 17, 2014 pora hi order dikena ase. kilemane Kupili noti toh bisi acidic hoijaise, Jaintia Hills te koila loa karoni. Ito order nimete pressure toh All Dimasa Students’ Union aro Dima Hasao District Committee pora National Green Tribunal ke petition filed kora pijete hoa laga ase. Sangma laga hisab te koa toh tai laga government toh ito illegal koila khonta style toh pon koribole koshis poila pora kori ase. Ito accident hoa jaga toh main town pora 45 kilometre door ase aro ito nimete police aro agencies khan pora ito ke hotai sai thakibole toh pise dukh ase. ito nimete sob se phal rasta toh amikhan ekta system poonapole lage aro thatey koila konta khanbi aro khontya style be ektum manu nimete phal hobole laga rasta pisharibole lagi. Tai pora ito koa time ke opposition congress khan ke bi inaka time ke politics nakhilibole laga kotha koishey. Hoilebi inaka time ke sob manu mile kena eki logote aro kali porson inaka hatsa naolabo karoni rasta aro phapna pisaribo koikena, mondukh laga kotha janaidishe.
Add Comment