SRINAGAR: Sunday te security personnel para tai laga duita colleagues ke murai dishe, etu pichete tai nijor ke muraishe. Etu ghatna toh Central Reserve Police Force (CRPF) camp, Panthchowk, Srinagar te hoishe. Senior official koishe personal issues thaka nimite guli mara personnel para etu dangor steps loishe.Duita jokom huwa personnel ke hospital te shift kurishe. Khobor pa hesab te etu duita personnel laga condition toh etiya stable ase. Etu situation laga aro khobor toh pabole rukhi ase.
CRPF camps para enika ghatna laga khobor samay samay te pai thake. 2017 te bhi Maoist-affected Chhattisgarh te post hoi kena thaka AK-47 assault rifle loi kena open fire kurishe. Etu ghatna toh argument pichete ulaishe. Etu open fire te teenta superiors aro ekta constable murishe. Etu CRPF’s 168th battalion camp te ghatna huwa toh, Bijapur laga Basaguda police station area te khobor kurishe.
Union Home Ministry hesab te central forces te bishi suicides aro fratricides laga karan toh generally personal aro domestic problems thake.
Add Comment