Aizawl, August 30, 2025: August 29 din te. Officials khan para koishe ki. Yete Border laga osor te bia kaam khan rukhibole nimete. Security Forces khan operation kurishe koishe. Aru taikhan Rs 165 Crore laga Methamphetamine durishe koishe. Aru yete alak alak operation te. Pasta manu ke arrest kurishe koishe Mizoram.
Serchhip District te. Border Security Force (BSF) aru Narcotics Control Bureau (NCB) khan mili kina operation kurishe koishe. Aru yete taikhan para gari ekta ke rukhaishe koishe Serchhip laga town te. Aru taikhan Rs 144 Crore laga Yaba Tablets paishe koishe. Aru yete 3da Aizawl manu khan ke bi arrest kurishe.
Aru alak operation toh Aizawl te kurishe koishe. Yete Assam Rifles aru Special Narcotics Police Station khan mili kina operation kurishe. Yete taikhan 7kg laga Meth Tablets paishe koishe. Etu toh Rs 21 Crore laga daam ase koishe. Taikhan Zemabawk South jaga para durishe. Aru yete Duita manu ke arrest kurishe koishe. Gari ekta rukhai kina.
Ageate bi. BSF, NCB aru Mizoram Excise and Narcotics Department khan mili kina operation kurishe koishe. Aru 5 lakh meth tablets aru 36 grams laga Heroin durishe. Etu toh Rs 75 Crore laga daam ase koishe. Etu toh Aizawl-Champhai rasta te durishe koishe.
Add Comment