THIRUVANANTHAPURAM: Kerala te Bharat Bandh toh second din te enter kurishe. Etu nationwide bandh nimite Kerala te normal life bishi biya para affect kurishe. Khong uthi kena thaka protestors khan State Bank of India Manager laga cabin bhangai kena ghusishe aro sob biya kuri dishe. Etu ghatna toh Thiruvananthapuram te hoishe.
Thiruvananthapuram SBI laga Manager Santosh Karunakaranmedia ke koishe protestors khan 10.15 am te moi laga office te ghusishe aro hudishe ke moi agi bandh thaka jane na nai? Moi protestors khan ke koishe bank toh agi khula thakile bhi ami khan eku banking operations no kuribo. Etu kotha huni kena protestors khan computer aro dusra saman khan ami laga table te marishe aro biya kuri dishe.
Etu SBI branch toh Kerala Chief Minister Pinarayi Vijayan laga office osor te ase. Aro protestors khan laga temporary union office bhi etu location te ase.
Bank para etu ghatna opor te official complaint kurishe. Police khan etu ghatna opor te investigation launch kurishe.
Bharatiya Janata Party (BJP)para BMS trade union ke back kuri ase. Sob dusra unions khan etu strike support kuri ase. Etu strike te protestors khan several demand thaka raise kurishe Etu demand te tai khan laga kom salaries toh Rs. 18,000 tok uthabole demand kuri ase.
State para own kora private buses aro contract vehicles toh rasta te no chola hoishe. Hoile bhi Sabarimala shrine laga pilgrims khan ke limited scale te sob jaga para proceed kuribole allow kurishe.
State laga jaga jaga te private gari khan toh kom number te chuli thakishe. Hoile bhi autorickshaws toh bishi koti chulishe.
Tuesday te banks khan bon thakile bhi, state aro central government offices khan te attendance toh thik he thakishe.
Agi sob university examinations toh ruki kena thakishe aro educational institutions khan toh bon thakishe. Tuesday din para jau din toh dukan aro establishments khan toh olop bhal apra khulishe.
Tourism industry toh etu ban para exempt kurile bhi travelers khan ekta jaga para dusra jag ate jabo napara nimite Alappuzha aro Wayanad genika popular tourist destination toh bishi biya para affect hoishe.
Khobor pa hesab state laga kunba parts khan te rail aro rasta bhi block kurishe.
Add Comment