Manipur: Security Forces khan para 3da ke arrest kurishe. Drugs thakhi kina

Imphal, August 31, 2025: August 29 din te. Operation duita kurishe koishe. Yete Manipur te Security khan para drugs laga kaam kurea khan ke durishe koishe. Aru yete 3da ke arrest kurishe. Aru drugs, poisa aru Gari bi durishe. First Operation toh Hengbung Police Outpost toh Senapati Police Station bitor te ase koishe. Yete taikhan drugs kha manu ke durishe. Tai toh Paogoulal Touthang (22) ase koishe. Aru tai toh Kangpokpi District laga T. Gamnom Bosti para ase koishe. Aru tai laga haat ara 205 sabun dab ate Brown Sugar paishe koishe. Yete 2.816 kg thakhishe koishe. Aru poisa Rs 2.5 lakh paishe. Aru Gari ekta aru Mobile handset ekta aru duita sim paishe koishe. Alak operation toh Moa Gate Police Check Post te mili kina operation kurishe koishe. Etu toh Senapati District te ase koishe. Manipur Police para duita maiki ke rukhaishe koishe Tunggam Afi Bosti te. Taikhan toh Senapati laga TNK Bosti te thakhea manu ase koishe. Etu maiki duijun toh B.Dinah (42) aru H.Khune (45) ase koishe. Taikhan laga haat para 8 sabun dab ate Brown Sugar paishe koishe. Etu toh 113 Grams laga ase koishe.