Imphal, September 1, 2025: Manipur laga Police aru Security Forces khan mili kina operation kurishe koishe. Aru yete taikhan para Militants manu aru Drugs laga kaam kurea manu khan ke arrest kurishe koishe.
August 31 din te. Duita Drugs Smugglers. Jahiya Khan (25) aru Md Zamir Khan (23) ke durishe koishe. Tai duijun bi Moreh Premnagar Ward No.4 para ase koishe. Aru tai duijun ke Tengnoupal District laga Naka Check post para durishe koishe. Tai duijun laga haat para 3.387 Kg laga WY Tablets aru Gari bi uthai loishe koishe.
Aru alak Operation te. Manipur Police khan duita PREPAK laga Group member ke durishe koishe. Ekjun toh Laishram Suranjoy Singh (39) ase koishe. Tai toh Moirangkampu Awang Leikai para ase koishe. Aru taike Imphal East laga Takhel Awang Leikai para durishe koishe. Aru alak manu Phuritshabam Dharmaraj Singh (25) toh Imphal West laga Kanto Sabal Keingam para ase koishe. Aru taike Khonghampat Mantri Leikai para durishe koishe. Tai laga haat para Wallet, Aadhaar card paishe koishe.
Add Comment