New Delhi, 11 October : 18 saal laga Chelsea winger Estevao duita goal mari dise kitia Brazil ekta brilliant performance dikhai kene South Korea ke 5-0 te harai dise friendly match te Friday din. Itu match World Cup qualifier team-duita majote Seoul te khelise.
South Korea laga captain Son Heung-min nijor desh laga men’s team te record 137th appearance korise, aru match tai rainy condition te khelise.
Kintu itu din pura Carlo Ancelotti laga Brazil laga naam te thakise, juntu first half te 2-0 lead loi dise Chelsea laga Estevao aru Real Madrid laga Rodrygo laga goal pora.
13 minute te Estevao ekta sharp through ball pora — juntu Newcastle United midfielder Bruno Guimaraes di thakise — close range pora finish kori first goal score kori dise. Itu tai laga Brazil nimite 8th match te second goal hoise, aru dikhai dise ki tai next year laga World Cup North America te ekta dangor star bonibo pare.
Brazil forward jaise, aru break agey 4 minute te lead double kori dise Rodrygo laga neat footwork pora kitia tai South Korea laga defence ke evade kori strong shot mari dise.
Visitors full-strength lineup loi thakise — Manchester United laga Matheus Cunha forward te, aru pichete dangerous trio Estevao, Rodrygo aru Real Madrid laga Vinicius Junior. Itu trio laga brilliance second half te aru clear hoi jaise, kitia Estevao aru Rodrygo duita aru goal mari dise, aru Vinicius 13 minute baki thaka te fifth goal mari score 5-0 kori dise.
Brazil etiya Tuesday din Japan logot away match khelibo, kitia South Korea nijor desh te Paraguay ke host koribo.
Add Comment