Guwahati, 13 October : Badminton te, BWF World Junior Individual Championship 2025 aji Assam laga Guwahati te thaka National Centre of Excellence te shuru hobo. Itu hobo dusra bar kitia India para BWF World Junior Championships host kuribo, agey bar 2008 te hoise.
India laga top-seed Tanvi Sharma, Unnati Hooda aru Rakshitha Ramraj khan opening round te byes pai loise. Boys’ singles te, 11th seed Rounak Chouhan aru 15th seed Suryaksh Rawat khan bhi first-round bye pai loise. Itu laga majot, Indian pairs Bhavya Chhabra aru Vishakha Toppo, aru Lalramsanga C aru Taarini Suri khan mixed doubles category te India laga challenge lead kuribo.
Mixed Team Championships juntu Saturday te khotom hoise, itu nisina 25th edition laga individual championships te bhi ekta scoring innovation dekhi jabo. Sunday din team aru individual championships majot rest day thakise, aru participants khan Assamese culture laga ekta glimpse pai loise. Assamese performance laga alag-alag variety showcase kori loise, aru best team cheer laga award bhi announce kori loise. Norway ke winner declare kori loise.
Add Comment